Faamaonia le maliu o se alo 16 tausaga mai Vaigaga i se pasika

SHARE NOW

E 16 tausaga o se alii talavou mai le afioaga o Vaigaga ua maliu ona o se faalavelave tau uila afi po’o le pasika i le aso Faraile o le vaiaso ua mavae.

I se faatalanoaga ma le sui Komesina le afioga ia Papalii Monalisa Tiai Keti, e tusa ma suesuega a le ofisa o leoleo, e leo iai se ave taavale o molia ai ma e lei so’aina foi e se taavale na mafua ai le maliu

Ae ua saunoa Papalii masalo ole tamaititi na lavea le pasika ona o le saoasaoa tele, na lavea ile aso 16 o le aso Faraile lea ae faatoa maliu ile vaveao ole aso Toanai ile falemai.

“O le tamaititi na lavea le aso 16 ae na maliu i le aso 17 o le vaveao lea o le aso Sa, o lea la oute faitau atu ile ripoti na lavea le pasika, ma ave ai ile Falemai o lona uiga la o lea maliu mai ile Falema’i,

“E 16 tausaga e lei fetoai ma se mea, e lei fetoai foi ma se taavale, o lea foliga mai na kolisi i luga o le auala, ma e leo taua mai se vaega tonu na aafia ai ae o le vaveao o le aso Toanai,

Ma ua fautuaina ai foi e le afioga ile Sui Komesina le saogalemu o alo ma fanau iti i nei auala o femalagaiga pea feoai ai i luga o auala televavave.