Fa’amaonia le maliu ose tama ile aso ole Eseta

SHARE NOW

Ua faamaonia mai e le sui Komesina o le Matagaluega o leoleo le susuga ia Papalii Monalisa Tiai Keti ina ua tatou fesiligia le tama 44 tausaga lea na maliu i totonu o le Hall o Tupulaga talavou a le EFKS i Mulinuu i le aso tonu o le Eseta.

O lea tama na auai mai ise mafutaga poo le camp a le autaloavou a le aiga i le tai, peitai e faateia lea mafutaga ile malama ane o le taeao na sosoo ai ua uma lona ola.

“Ia e sao o le tama lea na auai mai le mafutaga a le autalavou, ae malama le taeao e fafagu atu ua maliu, ae o se tama lea e iai ona ma’i, medical condition.”

Peitai na tatou fesiligia foi se ripoti poo se tala lata mai o nisi o faalavelave tau taavale pei ona tutupu mai ile vaiaso ua mavae “leai, e leai mase faalavelave tau taavale e matuia se lavea,” Le sui komesina o le Matagaluega o leoleo le susuga ia Papalii.