E iva tausaga na amata fetuunai ai le faasalaga ole tamaitai na galue ile faletupe ole ANZ i Apia,o Seira e mai Nuufou ma Safotu, sana vaaia le itu o nonoga tupe a le ANZ Bank.
E silia ile 300 moliaga o faiga faasolitulafono , o nonogatupe na ia faamaonia talu mai le Iulai 2018 e oo mai ile taimi na maua ai , Novema 2022.
Ina ua faamaonia lona toesea faasolitulafono , ose tupe e $1.2miliona.
I le fetuuana’iga ole faasalaga ale faamasino, Justice Nelson, na amata mai le fua I le 9 tausaga ile falepuipui,
Peita’i na aveese le taimi o lona talia o moliaga, ma ioe iai mai le amataga ole faamasinoga, ua tuuititia ai foi le tau o le faamasinoga ma lona taimi e faaalu I lea mataupu.
Ua fesoasoani ile tuititia o lona taimi ile falepuipui, e le gata ina i lona ioe, ae ole taimi muamua foi ua molia ai ise solitulafono.
Ma ua avatu ai nei le tina ia Seira Malifa I Tanumalala mo le 6 ma le afa tausaga, toese ai taimi na nofo vaavaaia ai lalo ole vaaiga a leoleo.
