Ua taunuu ai le faamasinoga maualuga i lana faaiuga ile aso, i le mataupu faasaga ile alii sa avea ma sui ofisa sili o le Ofisa Palota, Afualo Daryl Mapu, ma le tamaitai foi o le ofisa palota ia Marie Fanueli.
I luma o lana afioga Justice Tuala Warren, na ia tolaulau ai , le faamalieina o ia i le faamaonia o moliaga e ono faasaga ia Afualo Daryl Mapu.
I lona umia lea o fualaau faasaina, o mea e sootaga i fualaau faasaina, laau malosi, ma pulufana. Peita’i e le’o mafai ona faamalieina le faamasinoga i moliaga e ono faasaga ile tamaitai ia Marie, ole umia o fualaau faasaina, o mea sootaga i fualaau faasaina, fana ma pulu fana. Ma ua faaleaogaina ai nei moliaga uma faasaga ia Marie.
Ma ua tuu atu ai nei le lauina o le faasalaga o Afualo i le aso 14 o Oketopa ile 12:30pm. I faamaumauga ole mataupu lea , na su’e ai e leoleo le fale o Afualo i Nuufoi i le masina o Tesema ole tausaga talu ai, pei ona faamaonia a le alii Komesina o leoleo Auapaau Logoitino Filip, i lalo ole vaega 21 o le Arms Ordinance 1960.
Ma na maua atu ai e leoleo Mapu ma Marie i le fogafale i luga, o iina na maua iai fana ma pulu, lua paipa tioata e sootaga i moliaga na oo atu ile faamasinoga Maualuga. Na maua foi e leoleo i le tagata ole ofuvae na ofu e Daryl fualaau faasaina na masalomia ai lea alii.
Na talia e le faamasino, o Mapu sa i le fale, ma le potu moe lea na maua ai fana ma pulu fana. I le molimau a Daryl ile faamasinoga, o mea totino ia e aofia ia fana ma pulu fana o mea a Pelepesite.
Na tula’i foi Pelepesite i le faamasinoga ma ia molimau o ia e ana mea totino uma o ta’ua i luga. I le faaiuga a Justice Tuala Warren, o ta’ua ai o fana ma pulu fana sa ia Daryl . ile taimi na taunuu atu ai leoleo ma fesili ile fana 9mm, o taatia i luga o le moega o loo iai pulu i totonu. Ae o lana tali, o le mea lava lena na aumai ai le faga.
Ana faapea e na te leiloa le fana, i luga o le moega, manu e tali ane lava faapena. Ae na molimau le alii leoleo Inspector Tagaloasa Toddy Iosefo, na iloa atu lava le fana i lalo ole faamalu, na alaai ona tago sii i luga le faamalu.
Ma na talia e le faamasino, lena molimau, aua ua silia i le itula talu ona ile potu Mapu, ma ua ana iloa foi. I le taunuuga ma le tagata e ana mea ia, na silafia e Mapu fana ma pulu sai le potu moe. Ma o ia foi e ana le maota.
E le’i talia e le faamasinoga le molimau a Mapu, faapea e le’i mafai ona alu i le potu moe sa mana’omia ona faanoi ia Pelepesite e faaaoga le potu. E le taliaina e le faamasinoga a la molimau ile vaega lea, e sa’o pe moni.
O le moliaga o paipa, na ta’ua e le faamasino, pe talia lava le molimau a Pelepesite i lona iloa o mea ia, Peita’i e taua foi le maitau pe’a talia nei e le faamasinoga le molimau a Pelepesite o ia e ana mea ia, ae e le’o aveesea ai lava , le sootaga foi o Mapu ia i mea lava nei.
Ua tula’i mai ai o mea ia e anaia e le toalua lea o Mapu ma Pelepesite ae le’o moliaina Pelepesite. Ae mole tetee a Fanua lelei, na ta’ua e Justice Tuala Warren, e leai se molimau oi luma ole faamasinoga , o atagia ai e iai se sootaga o lea tamaitai i fualaau faasaina, fana, pulufana ma paipa.
E faatoa 2 pe tolu taimi ua oo ai ile fale o Mapu, pei foi ona maua atu ai e leoleo i le afiafi na osofai ai e leoleo le maota o Daryl Mapu. Ma ua tuu atu i le aso 14 o le masina ou o Oketopa e lau ai le faasalaga o Mapu, ae faaaua pea tuutuuga o tatala ai i tua, se ia oo ile aso o ta’ua i luga.
