Ua faamaonia solitulafono a tagata Samoa e to’alua o loo faaalu ai luga laisene o faleoloa Saina i Savaii, peita’i ole faamatalaga faalauaitele aloaia mai le Matagaluega Tiute ma Tupe maua, le faamaonia e le latou asiasiga le faatau faasolitulafono e faleoloa ia e lua i Savaii, o le ava malosi, ae o loo talia se tali o le latou talosaga laisene mo se faatanaga.
Ole mataupu lea ile faamatalaga aloaia mai le Matagaluega o Tiute ma Tupe maua o ta’ua mai ai, sa faamaonia e le Faamasino o le faamasinoga faaitumalo, Loau Kerslake moliaga faasolitulafono o le toalua e ana faleoloa, peita’i ua tatala i tua ma faapafala le faasalaga.
Faatasi ai ma le avatu uma o ‘ava malosi ile matagaluega talafeagai a le malo. O ta’ua e le faamatalaga faalauaitele lava lea mai le Matagaluega o Tiute ma Tupe maua, e lua ni nofoaga ua atofa mo le galuega lafoa’i, i Tafaigata, ole alavai ma se pu oi lalo o le tamaligi.
Peita’i e le’o mafai ona faailoa mai e le faamatalaga faalauaitele lea a le Matagaluega, le aofai ma le ituaiga o ‘ava malosi, ae ose tau faatusa o ia oloa, ae poo ni atigifagu mata’eta’e, po o ni fagu uga, ae pe faapefea foi ona faatama’ia, pe tanu ma atifagu, pe saati ile pu poo le alavai, ae avane atigifagu mo laasaga talafegai iai.
Pau le tulaga o loo ta’u mai o loo galulue faatasi ma le matagaleuga o le siosiomaga, SROS, ma leoleo ile aveesea mai o ava malosi e faatama’ia. E le’o le taimi muamua lea ua faatama’ia ai ni avamalosi aumai faasolitulafono i Samoa.
