Ua faailoa faalauaitele mai nei e le faipule o Faasalelaga lua, le taunuu ai o lesi vaega o le latou poloketi Miliona.
Ole tupe lea na talia e faamatuu ane pe’a mae’a saililiga na faia i le tala ole tupe faasoasoa , miliona muamua a le itumalo.
Ma tuuaia ai le faipule ia Magele. Peita’I sa teena malosi e le faipule na tuuaiga, talu o le tupe sa faasoa lava e le komiti tofia a le itumalo.
O le taunuuga ua iai nei le toe faaaauau ole galuega a Faasaleleaga, lua, ina ua mae’a ane suesuega, pei ona faailoa foi e le Minisita o gafa ma le poloketi miliona a le malo.
Peita’i ole vaiaso nei lea ua amata lava ile valaau faaaloalo mai a le faipule, afioga a Magele, I lona itumalo, “ma le faaaloalo i aiga uma e lei o’o atu iai le faasoa muamua i vaega tau atina’e e susu ane ma tala ane aao i le tatou ofisa e faamautū a outou oka ma faleoloa e tuuina atu iai. O lea ua taunuu le seleni e faaauau ai la tatou poloketi.”
