Faamasino aufaigaluega Ofisa Palota

SHARE NOW

Ua faasolo ai ile vaiaso lenei le faamasinoga ole aufaigaluega a le Ofisa o faigapalota. o loo faamalolo le tumau, e aofia ai Afualo Darryl Mapu ma Marie Fanueli, i luma o le afioga ole faamasino Justice Tuala Warren.

O tula’i ai mo le itu a leoleo, Susuga Lupematasili Iliganoa Atoa, ae o le itu tetee, AFualo, ole Susuga Tofilau Leone Su’a- Mailo.

Ae o Aumua Ming Leung Wai mo le Susuga a Fanueli.

O loo molia faatasi le toalua lea i moliage e ono e sootaga i fualaau faasaina ma le umia o a’upega mata’utia, talu le osofaiga a leoleo lea na alu i Nuufou ilea so 28 o Tesema 2021.

E silia ile 10 leoleo an tula’i e fai molimau mai le itu a leoleo.

Peita’i o lipotia e le Talamua o lesi molimau a leoleo, ole alii Satini ia Mose Lotomau na tulai ile Aso Gafua. Ua silia i le 20 tausaga talu ona galue ile ofisa o leoleo ile vaega suesue, ma o ia sa gafa ma le pueina o ata i Nuufou ilea so 28 o Tesema.

E lua tusi ata na avatu mo le silafia o le faamasinoga. O lesi na pu’e e le vaega a le suesue, ae olesi tusiata na avatu e le vaega o aupega, e 18 ata na iai. Ma na molimau Mose o ia na pue’a uma ata . Ae na maitauina e le loia, e tutusa uma lava ata i tusi ma fesiligia ai Mose pe aisea ua tutusa uma ai ata o loo avatu e vaega eseese a leoleo.

Ole tala a Mose o ata sa ia pu’eina.

Na maitauina foi ele loia le taimi na pu’e ai ata ma le taimi na taunuu ai Mose ile fale na osofai e leoleo.

Peita’i na ta’u lava e Mose e iai ata na te le’i pueina, ae e iai isi ata na faato’a pue ile Aso Faraile talu ai ae o le osofaiga na tupu i le aso 28 o TEsema 2021.

Na tula’i lesi leoleo Muliagatale Kaveta ma ta’u i le faamasinoga, na iai Mose ile taimi o le osofaiga, ae alu atu tusa ma le 30 minute talu ona amata. Ae iai lesi tama o le vaega a le Arms Division na pu’e ata ae na taunuu atu loa Mose ona puea loa faaauau.

I le lipoti lava lea, o ta’ua ai le toe suesuea o Mose ma fesiligia pe iai se isi tagata e taga ona tago i ata ia, ae tali Mose e na’o le Komesina lava ma le Forensic team.