Faamata e oo ile faamasinoga?

SHARE NOW

22 Ianuari, 2025 Samoa: Ua fesiligia ai nei le avanoa o nofoa o faipule ua faatete’a ese ma le vaega faaupufai a le FAST, peita’i , o saunoa manino le afioga ile Fofoga Fetalai o le maota, Papalii Li’o Ta’eu Masipa’u, ile palemene  le Aso Lua 21 Ianuari 2025, e faailoa auilili lona tulaga ile mataupu a le FAST ma ona faipule.

“E le’o ni mataupu tau palemene. Ua taulima le tusi mai le FAST, ua faate’a ai le toa ono mai le kapeneta. O a latou pulega i totonu o le vaega faaupufai. Ma fesiligia ai le avanoa o latou nofoa ile palemene.

Peita’I o lea laasaga e le mafai e le fofoga fetalai poo le palemene ona faia se faaiuga e avanoa ai o latou nofoa ile palemene, ae o latou tofiga ile palemene, ae o tiute ile kapeneta e tusa ma aiaiga ole faavae. Oute le faaaogaina vagana ua iai se mau mautu e faamaonia ai. O se matupu ile lafo o le le faatuatuaina e le talafeagai ai lenei taimi, e le maua ai se filemu o le palemene. O mataupu o agia i lenei vaitaimi, e le’o ni mataupu tau palemene, ma e le’o se palemene ase vaega faaupufai, o le  palemene a le atunuu.” Pei ona saunoa le fofoga fetalai.

O atagia ile saunoaga manino a le Fofoga fetalai, vagana  ua avane se faamaoniga a le faamasinoga, faatatau i tofiga faipule ua faatete’a ese ma le FAST, ona faatoa agavaa ai loa ona faia lana faatatau faale- Fofoga Fetalai, ile faaauau ma le le faaauauina o nofoa o na faipule e to’a ono o le FAST, ua faatete’a ese aofia ai le afioga ile Palemia, sui Palemia, ma isi minisita sinia e toafa.