Ua tapena loia Samuelu Le’au , mo le finauga o lana talosaga e tatala ai i tua mai le falepuipui I Tanumalala, o taofia ai I lalo ole vaaiga a leoleo, i moliaga o le faia o upu faalumaluma.
O le taeao ole Aso Faraile nei, ua faatulaga iai e toe valaau ai ile faamasinoga faaitumalo, le talosaga lea mo le tatalaina i tua.
Peita’i o le aso 20 o le masina o Me 2024, ua faatulaga iai le faamasinoga ole mataupu atoa I moliaga o le faia o tala faalumaluma ma le faalavelave I galuega a leoleo.
O le mataupu lea na taofia ai foi ma le faletua o Samuelu, ma le teine o loo faa tusiala ile NUS Iunivesite aoao a Samoa. O loo molia atu a foi ma le faipule ole FAST, I lona ia foi sootaga pei ona molia ai e leoleo ile taupulepule.
Ae o talia ai pea se taunuuga ole tagi a le faletua o le faipule ua maliu ia Vaele, e sootaga foi ile maliu lilo lava lea o Tuuau.
Talu le umi ona toso o lenei mataupu, o saunoa, Laauli I luga o le soalepule a le EFKS TV, e le’o le matagaluega atoa o leoleo o loo tupu ai le faaletonu, ae e iai nai leoleo, o loo latou ufiufi le mea moni, ae ua oo le mataupu ile faamasinoga, e saili mai ai le amiotonu. Peita’i o ia tuuaia foi e iai le leoleo ua faamaonia, na ia ave faila a le ofisa o leoleo i tua ma faatama’i.
