Faamatuu atu le tai $10afe faaleleia ai fautasi o le a tauva, ese ai le $60,000 ole mua

SHARE NOW

E ese mai le $50 afe ua avatu e le malo, e toe faaleleia ai fautasi e lima o le’a tutu’u e taualuga iai sasa uma ole faamanatuina o lona 60 tausaga, le isi $60afe tala ua atofa mole fautasi e mua.

E le’o iloa pe iai ni faailoga tupe o isi vaa mulimuli mai tua.

Peita’i na toe tolo tolo mai le tuuga fautasi talu le utiuti o vaa na mafai ona gafatia le malosi o peau.

Ma tonu ai ile malo, e avatu tai 10afe a le auvaa e toe faaleleia ai mole saogalemu o tagata alo.

I tuuga fautasi a Amerika Samoa, ile faaiuga o le vaiaso talu ai, mo lana sisiga fu’a 123 tausaga ole pulega a Meleke i ona eleele, na faatotope atu ai vaa laveai ole gataifale mo le faasaoina mai o auvaa o fautasi e lua na uluvaia.

Ua faitau tausaga talu ona le toe faia ni tuuga faitasi, ma maua mai e le taimi o tapu ole koviti, ma leai atu ai lava mani tuuga fautasi i Samoa nei.

Ae ole tai $10afe tala mo le faaleleia o vaa o le’a tutuu e aofia ai le:

  1. Don Bosco o Alafua
  2. Segavao o Siusega
  3. Little Rina o Toamua
  4. Tolotolo o le Tamauli o Salelologa
  5. Telefoni o le Vainuu o Manono Tai.

Mo le tuuga tele ole 60tausaga ole tu toasi o Samoa ile aso 26 o Me 2023.