Na faamatuu i le taeao o le aso le tai $150,000 a itumalo o Aana Alofi 2 ma le itumalo o Faasaleleaga 5 o le poloketi tasi miliona tala muamua e tauala atu i le Matagaluega o Tina ma tamaitai, ma o lea faatoa atoa ai le 51 o itumalo faapalota ua mafai ona faamanuiaina i le poloketi miliona o loo faasolo nei.
O itumalo ia ua maea ona iloilo ripoti a suetusi i le faaogaina o le $200,000 lea sa faamatuu muamua mo le fausiaina o Ofisa a Itumalo, ma ua pasia ai e le Komiti Faafoe, poo Steering Committee le faasainiina lea o maliega mo le faamatuu atu o le tai $150,000.
O itumalo ia o lalo o le vaavaaiga a le faipule le afioga ia Aiono Tile ma le afioga ia Peseta Tevaga.
O le afioga i le Minisita o Tina ma tamaitai ia Mulipola Anarosa Ale Molioo na saunoa faapitoa e momoli le faafetai ma le faamalo i taitai o itumalo nei mo le onosai e foia faafitauli sa feagai ma fono faavae.
Lea ua mafai ona foia ma toe faaleleia itutino uma o le itumalo ma ua ofaga atu e sainia le isi vaega o a latou poloketi miliona tala muamua
