Na faamatuu ai i le aso le tai $150,000 a itumalo e fa o le poloketi tasi miliona tala e tauala atu i le Matagaluega o Tina ma tamaitai, atinae o afioaga ma agafesootai ma Fono faavae a itumalo nei ua lautogia mo le 15%.
I se pepa o faamatalaga o loo faailoa mai ai, o itumalo ia ua maea ona iloilo ripoti a suetusi i le faaogaina o le $200,000 lea sa faamatuu muamua mo le fausiaina o Ofisa a Itumalo, ma ua pasia ai e le Komiti Faafoe, poo Steering Committee le faasainiina lea o maliega mo le faamatuu atu o le $150,000.
O itumalo nei e aofia ai le itumalo o Alataua i Sisifo, Itumalo Sagaga 1, Itumalo Aiga i le tai, ma le Itumalo o Faleata 3.
Peitai o lea ua faamaonia mai e le pepa o faamatalaga e valu itumalo lea ua maea ona iloilo e le Matagaluega ma pasia aloaia e le Komiti Faafoe ia Taiala o Atinae sa tuuina iai.
Ma ua sauna nei itumalo mo le faatalatalanoaga a le komiti a Itumalo ma le Komiti galulue a le poloketi.
O itumalo e aofia ai le
Itumalo Lotofaga
Itumalo agia ile tai
Ituamlo Vaimauga 1
Itumalo Faasaleleaga 2
Itumalo Safata 1
Itumalo Sagaga 1
Itumalo Alataua i Sisifo
Itumalo Faleata 3.
