Ua avea ai nei le aso 28 o Fepuari 2023 ma aso fanau o le faalapotopotoga fou ua faaigoa o le SOAP, poo le Society of Agricultural Professionals.
Sosaiete o Tomai Faapitoa Tau Faatoaga: E fesoasoani i le atinaeina o faatoaga a le atunuu.
Na faalauiloa ai ananafi 28 Fepuari i le Ofisa o suesuega faasaienitisi i Nafanua.
Pei ona faailoa mai e le pepa o faamatalaga a le Matagaluega o faatoaga, ole Sosaiete lea e pei lava foi o isi Sosaiete i Samoa. O le SOAP, e maua atu ai fesoasoani o tomai poo fautuaga tau faatoaga, e avea ose ivi tu o faamatalaga e faasoa ai ile puleaina lea o atinae tau faatoaga.
O tomai faaona po nei, i le galueaina o faatoaga, ma e foliga faamoemoe lava i matagaleuga a le malo, ma aoga pei o le USP ma le NUS.
O nisi tomai tau faatoaga, e mana’omia ai ona toe laga ane i luga metotia ma toma’i ua leva lava ona iai i tagata o Samoa.
O na agavaa ma silafia i mea tau faatoaga, ua iai i Samoa nei, e tatau ona faasoa ile toe faaleleia ma atinae ai Samoa. O ta’ua foi e le faamatalaga mai le Matagaluega o Faatoaga, e tele avanoa e maua ai tupe mai faapaaga I fafo e lima taitaina ai le tomai ua iai i Samoa ma faatino ai loa na faamoeoe.
Ma o le’a valaaulia ai foi e le Sosaete i latou na aooga faapitoa i tomai tau faatoaga e lesitala ane , mo le amataga lava , $100 . $50 lesitala ae $50 le sub faaletausaga.
Ma ua tapena foi itu manaomia faaletulafono, pei lana laulau Pesetene, failautusi ma le teutupe.
E tatau ona ono e aofia ai ma sui o tofiga autu, ma ana faatama e toalua.
I le sauniga o le faatuina aloaia o le sosaiete lea a le SOAP ananafi, na saunoa ai le Minisita o Faatoaga ma Faigafaiva, Laaulialemalietoa Polataivao Leuatea Polataivao Fossie Schmidt, “o suiga i tomai faaonapo nei, ua sau faatasi lava ma suiga i le faiga o faatoaga , ae o faatasi atu ai lava ma tatou tomai na sau ai, ia faauaau ai pea atinae tau faatoaga.
Ae , ole tele foi o tupe o loo maua mai fesoasoani tau faatoaga, mo vaega, e mana’omia ai lava ona limalima lelei, ia tumau ai pea le tupe i Samoa.”
