Ole maliega o le tamaoaiga ma le galulue faatasi faatekonolosi, le Maliega lea sainia ile va o le aumalaga mai Saina ma le Palemia o Samoa ile Aso Toonai talu ai, 28 o Me 2022. O Mr Wang Yi na fai ma sui o Saina ile maliega sainia, mo poloketi o agai mai.
O le feiloaiga lea na aofia ai ma tuuina atu ole mae’a aloaia o le fale tele i Malifa le Art ma le Culture Center, Samoa –China Friendship Park. Ma le maliega e fau ai siitia ai le matagaluega o leoleo, I sana lab e suesue ai tulaga lima, faaopoo ile fauga o le aoga faaleoleo.
O nisi na o vaega na aofia ai pei ona faamauina e le faamatalaga faalauaitele na tuuina ile uma ane ai o le sainigalima. Ole aumalaga lea na afea ai foi isi motu o le Pasefika pei o Kilipati ma le atu Solomona.
E aofia ai, sui o le vai fafo a Saina , ole sui o le latou matagaleuga o pisinisi ma le galuega atinae faalevaomalo o Saina. Ma sa oo atu foi le taitai o le aumalaga lea e asia le Ao o le malo, Afioga Tuimalealiifano Vaaletoa Sualauvi II i lon amaota i Vailele, ae mulimuli ane ai le feiloaiga ma le afioga i le Palemia Fiame Naomi Mataaafa, i le Maota Samoa o le Pulega o Tulisi.
Na fetaui lava ma faaeteetega ole koviti 19.
Ae ole feiloaiga sa autu lava i le toe tapueina o le va nonofo ai o Samoa ma Saina, ua atoa iai le 47 o tausaga, ae ole faamanatuga o le 60 tausaga o le tutoatasi o Samoa. O isi vaega ole fono o suiga o le tau, ole faamamai pipisi, filemu ma le puipuiga.
O Saina, le paaga a Samoa i mea tau ile atinaeina ole atunuu, pei ona iai galuega tetele atinae, ile soifua maloloina, o aoga, vaega o pulega lautele, o taaloga ma le lagolago itu tau tekonolosi i faatoaga. Ole sootaga o Samoa ma Saina o le one China Principle, poo le tasi lava le malo o Saina.
Ma ole a faaauau ai le galulue faatasi o Samoa ma tagata o le People’s Republic o Saina, i vaega e taua mo le atina’ega o Samoa.
