Ua faitau masina ai nei talu ona faatalitali le pule aoga i se taunuuga o le moliaga a leoleo o tuuaia i lona faaoolima.
Ole mataupu lea na talia ai e le faamasinoga le talosaga a le loia a le alii faiaoga o molia, e taofia le faalauiloa o lona suafa.
E masani ai lava , e taofia le faaaoga o le igoa o se tagata matua o molia pe’afai o loo aafia ai se tamaititi.
Peita’i e le’o le tulaga lea o le mataupu o taoto ai nei ile faamasinoga, talu o tagata matutua uma o loo aafia, ae o le moliaga foi ole faaoolima.
Mai le faamasinoga i le vaiaso nei na teena ai e le faiaoga moliaga uma o faasaga iai a leoleo.
Maitauina i mataupu ua tuanai a leoleo, pei ona faailoa e le komesina ole matagaluega, e ala ona oo le mataupu ile faamasinoga ona ua iai faamaumauga poo molimau a leoleo.
Pei ose faataitaiga ile mataupu a Samuelu faasaga i le faipule na ia tuuaia ile maliu o Tuuau Maletino i le 2021, sa ta’ua e le komesina, e leai ni molimau e faamaonia ai moliau a Samuelu, ma e lei mafai ai ona oo atu lena mataupu ile faamasinoga.
Peita’i ole finau mai a le faiaoga o ta’ua i luga i lona tetee ua tatala ai nei i tua e faatali ai lona faamasinoga.
Ae tumau ai le taofia faaletulafono e le faamasinoga faaitumalo ona faailoa faalauaitele lona suafa ma le a’oga na tupu ai le faaletonu.