Ole Aso 24 o Mati 2023 aso mulimuli o le Faamasino tamaitai, o le Faamasinoga Maualuga, Justice Tuala – Warren e galue ai ile Matagaluega o Faamasinoga a Samoa.
Talu ona tiute faaleaiga, ma ua faaoo atu ai lana tusi faamavae i le Faamasino Sili, Chief Justice. Perese.
Na faamaonia mai e le Afioga a Tafaoimalo Tologata Leilani Tuala -Warren i le Leitio Polenisia lona faamavae mai le Faamasinoga a Samoa.
O le 2013 na tofia ai le Afioga a Tafaoimalo e avea ma Faamasino o le FAamasinoga Faaitumalo. I lana tautua mo tagata lautele, ua faaee atu ia te ia se faailoga taualoa , ele Iuniveste o Waikato, e aloaia ai le taunuuga manuia oi latou na aoaoina ai.
Peita’i ole 2005 na toe foi mai ai i Samoa, ma ave iai le lagolago a lona aiga, e galue i le Ofisa Loia ma lona tuagane, le Tuala & Tuala.
Ae i le tausaga e 2008 na tofia ai e avea ma Pule Faatonu o le Komisi toe Fuataina o Tulafono a Samoa, Samoa Law Reform Commission.
Ae lima tausaga mulimuli ane, tofia e avea ma Faamasino ole Faamasinoga Faaitumalo, ma to’alua ai ia te ia Faamasino Tamaitai.
O le Faatuina o le Faamasinoga mo Aiga, Family Court ma le Faamasinoga o Sauaga i Aiga, O le’a manatua ai pea le sao o lenei foi Faamasino . Pau ia o na ituaiga o Faamasinoga ile Pasefika i fafafo mai o Niusila.
Peita’i o le 2016 na tuua ai e Justice Tuala Warren le Family Violence Court ae avea ma Faamasino o le Faamasinoga Maualuga o Samoa, ma ia feagai ai ma le ogaoga o faamasinoga ae o solitulafono ma mataupu tau i le Faavae.
Ma taunuu mai i le 2021, o Justice Tuala Warren lesi Faamasino o le Faamasinoga Maualuga na feagai ai ma le finauga o le Faavae ile taimi o le Faiga Palota tele a le atunuu, ina ua fefaloa’i ai ta’ita’i poo ai o le’a Palemia, ma tofia ai e le Faamasinoga le malo, o le taunuuga o lena finauga o le Faavae o Samoa.
Peita’i ole masina o Mati, e muta ai le auaunaga a le afioga i le tamaitai Faamasino, Justice Tuala-Warren i le Matagaluega o Faamasinoga a Samoa.