Ole Aso 24 ole masina o Novema ole tausaga nei lea ua faailoa manino mai ai le aloaia lea ole see ese ai ole Ofisa Sili ole fale telefoni ole Digicel le susuga ia Anthony Seuseu mai lona tofiga faa ofisa sili.
Ma i luga ose pepa o faamatalaga mai ile Digicel Samoa lea na faailoa mai ai, lona faamavae ai lea ma lona tofiga ona o fuafuaga e toe foi ai ma lona aiga i atunuu mamao e nofomau ai.
Ole tausaga ua mavae atu nei lea na tofia ai Anthony Seuseu e avea ma Ofisa Sili ole fale telefoni ole Digicel i Samoa nei, talu na mae’a manuia le lima tausaga ole tautua a le Digicel Pacific, e aofia ai le silia ma le tolu tausaga ile foe ole Digicel i Tonga.
E tele ni matati’a na faatuina e le susuga ia Anthony ile taimi ao ona tula’i mai ile Foe ao feagai ai Samoa ma le fa’ama’i ole KOVITI-19 aemaise ai le ausia ai e Samoa o lana augatupulaga lona 5 o faasalalauga.
