30 Tesema 2024, Samoa: Ua matutu vailepa mai timuga o le vaiaso talu ai faatasi ai ma vaitafe ile taulaga tafetafe fifilemu uma.
Peita’i e leai se suiga ua faia ile alavai to’a , ma le lepa vai o loo i Fugalei.
Ua lua aso talu ona matutu le aualatele ilea vaega o le auala, ma iloa ai lotoloto ole auala na tomotomo ai pa’u o taavale ile taimi a’o lolovaia Fugalei.
Masani ai lava e matutu loa le auala, vave lava ona faataalise atu le aufaiauala e fono se afaina mo le puipuia mai o taavale.
Peita’ e le’o le tulaga lena o loo iai aafiaga ogaoga o le alatele o iai nei i Fugalei. O lua, e futu le loloto ae tolu pe sili atu foi futu le lautele ose ta’ei ole ta.
Ma afua ai ona uumi laina I lea vaega o le auala, pei foi ona molimauina ile tusa o le 6 ile taeao ole aso.
Ua tuuavanoa uma taavale na malaga mai uta, ae taumalualua atu le pasi i leisi ituala ile taumafaiga e ‘aloa’lo ese mai ta’ei ma pupu ole ta ole auala.
Peita’i o loo osaosa lava le alavai tele ile itu i sasa’e ole auala talu ole puni lava lea ole alavai mai timuga o le vaiaso talu ai, o loo tumau ai lava ma oo atu ai le vai i aiga o lena vaiaai i Fugalei.
O le aso 6 faato’a a’e ai galuega a le malo, peita’i o vaivaitoa ma vailepa lea o looo fautuaina pea e le matagaluega ole soifua maloloina le faatamaia o nofoaga e tuufua ai namu ile tatou atunuu.
O le 10 masina talu ai na pepesi ai le dengue fever ole faamai e mafua mai le namu,
Ae o le fitu tausaga talu ai, na pepesi ai le siama o le zika, e feaveai foi e namu.
E ese mai siama o le mumu tutupa lea lava e faaauau ona faainuga fualaau e togafiti ai le faama’i o le filarisis e afua mai foi ile namu.
Peita’i o tafega ole vaiaso talu ai lea o loo molimauina pea le ogaoga o ona aafiaga i le siosiomaga i Fugalei, e le gata o le taei o le auala ae o lesi alavai
au-tu ole taulaga, ua faitau tausaga o molimauina pea le faafitauli lava lea e tasi o le poloka pe’a pa’u uaga mamafa.
