Ua pa’u ai nei lesi foi pusa oloa mai le LDS, Ekalesia a Iesu Keriso ole Au Paia o Aso e Gata ai, ile lotoa a le Toomaga mo e puapuagatia.
O le pusa oloa o loo aumai ai, oloa pei o le masini ta lavalava, ogaumu, televise, moa vao seleloi, ma isi oloa e faafaigofie ai le tausiga o fanau , ae o oloa mo taaloga a fanau.
O le fesoasoani a le ekalesia Mamona mole Toomaga na amata mai lava ile tusa o le 18 tausaga talu ona faavae mai lenei auaunaga, ma saga viia ai ele Peresetene, Siliniu Lina Chang, le Alofa o le Atua, ae ole alofa o le Ekalesia.
Ae ile toe tuliloaina o le osofaiga a le taavale lea na faaleagaina ai le faitotoa tele a le Lotoa o le Toomaga i Tuanaimato ile vaiaso talu ai.
O ananafi na oo atu ai le afioga ile Komesina o leoleo, Auapaau Logoitino Filipo i le Lotoa, Campus of Hope,
Molimauina le lagona foi ole loto tele o le fanau, i le oo atu ole asiasiga ale Komesina ma saunoa, o lona oo atu, e tau atu, i fanau, e aua le fapopoleina latou, o loo saogalemu lava, latou.
E oo mai nei, o loo taoto ai lava i tua ile pito lava i tua o le lotoa le taavale na oso i totonu ole lotoa, taamilo atu i fale ma faapapa lana mafa leotele, ma oo lava ile falepepe o tamaiti, poloka ai ua le mafai lava ona toe minoi.
Na ave e leoleo, peita’i na tatala i tua e leoleo ma toe oo atu ile lotoa e ave lana taavale.
Ole tetemu o fanau i lea po ile mea na tupu, e le gata o le malepe atu ole faitotoa tele, talepe atu ma le pito o le fale teu oloa, taamilo atu i falega ma feei ai fanau, ina ole faatoa oo lea ose taavale i totonu faapea, i le po.
Leai se soifua na afaina, peita’i ua oo atu iai tamaitai taupousa mole mataituina o mafaufau ma lagona aafia o fanau, ona ole faaletonu.
