Fa’aofo a le Worship Centre  i lana Aposetolo male Faletua

SHARE NOW

O le’a manatua pea le Aso Sa o Tina, o le 2022 , e le faletua o le Susuga i le Aposetolo Viliamu Mafoe,  o Lavina Mafo’e .

Ina ua tatala aloaia i lo la maota nofo fou i Tulaele, ile Aso Toonai, 7 Me,  o sosoo ma le Aso Sa faapitoa o Tina o Samoa.

O le maota ma ona teuga eseese ua iai, lea na saunoa ai le afioga i le Faletua ia Lavina, ose mealofa na maau ma papaaao iai  totino o le Ekalesia Worship Center i atunuu i fafo ma Samoa nei. Saunoa foi le faletua, o le mealofa na maofa ai, “it’s a surprise”

E fai le galuega o le maota nofo i le Aposetolo Viliamu ae o loo faagasolo foi galuega o le malumalu autu ole Ekalesia i Sogi ,

Peita’i ole maota lea ua patipatia ai ile aso na fausia e le Susuga a Afualo Misty  Ioapo.  O se tamalii ua lauiloa foi i lana taleni ole kamuta , e le gata o malumalu ae maota o isi maota.

I le tatou faatalanoaga ma le afioga ile Agaiotupu ile Aso na tatala ai lesi foi lea o ana galuega, “e ono masina na tapena ma fausia ai le maota nei, e aofia ai potu e fai i luga ma ona faatotoga pei o faletaele , ma le fale i lalo, ua faapitoa lava lea mo le laasaga ua iai le soifua ole Susuga i le Aposetolo i le taimi nei, faapena foi ona faatotoga i ona tulaga mana’omia.”

Molimauina le faia o faaaloaloga i ta’iga sua ma mealofa i faletua o faafeagaiga ole Ekalesia i Savaii ma Upolu nei, na auai ile patipatia ole maota nofo fou, ma a ave iai le faataua a le Susuga ile Aposetolo ma le Faletua.

Ma talanoa ai le tina ia Ului Iupati Tanielu o Tulaele, “oi matou te leiloa o nei e tatala ai le surprise a le aulotu, ae oute faafetai ua maua sota tua’oi Pa’ia, se’i faapa’ia uma atu ai lenei  itu o loo matou nonofo ai” o ia  e lei tapena ise taligamalo o lea aso i ona autafa.

“Ua faatope atu ai male teuga ole matou luma fale e faafeiloa’i atu ai i malo asiasi ole faamoemoe, ua faapa’ia ai le maota manaia ole Aposetolo ma si ona aiga. Manaia lota tuaoi, aua o isi ia vaega taua o le tatou aga i fanua, ma le aganuu.

E amata atu lava i lou aiga ma le lua va nonofo ai ma ou tuaoi.  Ae faafetai ile Atua ua aumai se tuaoi matagofie i lota siosiomaga.”

Saunoa foi Ului e ese lana “Ekalesia ae o le faaaloalo e tatau lava i e tatau iai le faaaloalo, aemaise o auauna faauuina a le Atua.”