Ole aoga a Vaimea o se tasi lea o aoga tulagalua I totonu o le atunuu ua oo atu ile afe le aofai o fanau o loo aooga ai.
Ole taeao analeila lea na patipatia ai e le aoga tulagalua le tatala aloaia nisi o potu aoga fou e faauma ai lenei tausaga ma sauni mo le tausaga fou.
O nei potu aoga fou ua maea fausiaina olea faaopopo atu I nisi o potu aoga tuai a le aoga tulaga a Vaimea olea vaevae ai fanau aoga ole laumua, ma olea amata faaaogaina ile tausaga fou talu ona faamauina I faamaumauga a le Komiti o Aoga e silia ile 1000 fanau oloo aotauina I Vaimea Primary ile taimi nei, ma o se numera tele, faatusa I le aofai o isi fanau aoga o loo aooga I le tele o aoga tulagalua a Samoa.
Na auai le afioga ile Minisita o Aoga ma Aganuu Afioga Seuula Ioane, ole fofoga autu o le aso, ole Asiasi aoga a le Itumalo o Faleata, Afioga Fuatina Vaiaso Finau, o sui maualuluga mai Matagaluega o Aoga ma Aganuu, o le Komiti Fono Faavae a le Itumalo, faapea le au valaaulia aemaise o matua ma le Laumua o Vaimea.
O le tau ole galuega $125,000 tala ma sa faatupe uma lava ele Aoga Tulagalua, e ala I le latou Leitiofoni lea na maua ai le tupe e tusa ma le $72,788.10 Toese mai ai tupe faaalu, ona totoe ai lea ole $62,731.90 ole seleni la na sa amata ai loa le galuega, ese mai ai le $50,000 tala sa agalelei ai le Fono Faufautua ma le afioga ile taitaifono ia Faualo Lefau Harry Schuster aemaise sui ole fono faufautua mo le tau faamaeaina ole fausiaina ai o nei potu aoga fou.
E lima vaiaso lea na fausiaina ai ele Kamuta nei potuaoga, na amata mai ile vaiaso lona lua o malologa ole fonotaga ole CHOGM ia Oketopa ae faamaeaina ile vaiaso lona tolu ole masina nei
E 3 Potu aoga na mafai ona fausia e 80 futu le Umi 29 futu le lautele.
Ile maea ai ole Saunoaga a le Minisita, ma na ia tauaaoina atu ai se tasi o tusi Samoa e taua o le Tusi faatonuupu Faasamoa, ile Puleaoga a le aoga tulagalua a Vaimea, o se tasi o meatotino a le matagaluega o Aoga ma Aganuu o loo tufatufaina atu I tua I Aoga uma a Samoa aua le tapenapea ai o fanau aoga.
