“E tolu masina lea ua faaopoopo ile nofoa Ao ole malo.” O le tali mai lea a le Afioga i le Fofoga Fetalai o le maota, Li’o Papalii Taeu Masipa’u ina ua fesiligia e le Leitio Polenisia.
Ua faamaonia e le Fofoga Fetalai, le uma ona tuuina atu le faaaliga ile Palemene.
Ile faatalanoaga lea na saunoa Li’o ole aso 23 o le masina nei e feiloai ai le Palemene, ma iloa ai le faaauau o le nofoa ole malo o iai nei. Fua lava i le faamaoniga a le Palemene ma le Party manumalo.
Ae i le fono a le afioga i le Palemia, Fiame Naomi Mataafa ma Tusitala ile vaiaso talu ai, na ia faamaonia ai le mae’a o le taimi Ao o le malo o le Afioga ia Tuimalealiifano Sualauvi ll.
Peita’i o loo iai le vaega o loo avanoa ai faaauau ai pea ona nofoia se ia feiloa’i le Palemene ile aso 23 o le masina nei.
O le masina o Iulai 2017 na amata ai le tofiga Ao o le malo ole afioga a Tuimalealiifano Vaaleto’a Sualauvi ll.
Ae lua tausaga mulimuli ane, 2019 teuteu e le malo a le HRPP le tulafono faavae , ma pasia e le Palemene, le na’o le ta’i lua ai o nofoaiga Ao o le Malo, e le sili atu ma le 10 tausaga.