E lata ile $2miliona tala o le’a faatupe ai e le malo o Iapani, atina’e i totonu o le Matagaluega o Leoleo ma Falepuipui.
O le tuuina mai o lena tupe, pei ona faamaonia e le afioga ile Komesina o Leoleo ma Falepuipui, Auapaau Logoitino Filipo, ua faamautuina ile aso.
E ala ise sainigalima ile va o le sui o le Malo o Iapani i Samoa ma le afioga i le Minisita o le Matagaluega, Lefau Harry Schuster, ile Ofisa o Leoleo i Apia.
Na ta’ua e le Komesina o Leoleo, Auapaau, o le seleni lea e faatau ai ni taavale a le matagaluega, e aofia ai ma pasi, ma se fale poo le hall ile falepuipui i Vaiaata, e faatino ai gaioiga e sootaga i le falepuipui.
E le’o na’o Iapani o loo maua mai ai fesoasoani mo le Matagaluega o Samoa, pei ona saunoa le Komesina o leoleo.
I tapenaga lava mo le saogalemu o le fonotele a Malo o le taupulega lea e fai mai I Samoa I le tausaga fou,
O le’a totogi ai e le malo o Ausetalia, nisi meapue ata I nofoaga ole taulaga, ma vaega e iloa gofie ai aga solitulafono ma mana’omia ai fesoasoani, ma o le’a soota’I sao lava na meapueata ile ofisa o leoleo pei ona saunoa Auapaau.
Taimi nei ile taulaga i Apia, ua faitau tausaga talu ona pipii ai meapueata a le CCTV.. mo le saogalemu o tagata uma..