Ua faasee atu i le faamasinoga maualuga le mataupu faasaga ile tina e 53 tausaga le matua , Pelia Sauvao Hakai.
Ina ua molia ai e leoleo ile fasioti tagata pa’ivalea, ile sootaga ile maliu o le tama a lana tama, e tolu tausaga le matua.
Na maua atu ua maliu i totonu o le taavale i Faleasi’u ile masina o Oketopa o le tausaga talu ai.
O masalomia na galo ile taavale ma mole ai ile leai ose ea.
Sa molia muamua Hakai ile faatamala i ona tiute faamatua e vaaia le saogalemu ole tamaititi. Peita’i ole moliaga faaopopo o taua i luga lea ua faasee atu ai nei le mataupu lea i le Faamasinoga Maualuga.
Ma tu’u atu ile Aso 1 o le masina fou o Aukuso, aso Gafua o le vaiaso fou, e valaau ai.
