Faaopopo Samoa e toalua i le lisi o tagata solitulafono tau feusuaiga

SHARE NOW

Ua faaopopo ai nei i luga o le lisi o tagata solitulafono mea tau feusuaiga, tagatanuu Samoa e to’alua.
Ole to’alua lea e to’atolu iai tagata na tipoti mai Amerika Samoa  ile vaiaso talu ai.

Na toe faafoi mai i le Lady Naomi , o ana malaga ta’i lua vaiaso i Tutuila.

Ma faamaonia mai e le Komesina o le Matagaluega o leoleo ma Falepuipui, ina ua fesiligia e le Letio Polenisia.

Saunoa Auapaau, o le toatolu lea na tuli taimi o latou faasalaga i Tutuila. Ae ole vaega nofo vaavaaia o latou faasalaga, e tuli i fafo atu ole teritori pei ona tipotia ai.

Ma ua lesitala foi igoa o alii nei i tagata solitulafono faafo’i mai i Samoa, Returnees, faatasi ai ma le lesitala o igoa o alii solitulafono faafeusuaiga, i luga o le Samoa Sex Offenders registry, lisi o ituaiga tagata na a Samoa. O loo mata’itu e le Matagaluega o Leoleo ma Falepuipui.

O le vaega lea na tipoti mai, pei ona ta’ua e le Komesina, na logo mai lava le matagaluega, a’o lei taunuu mai i Samoa.  Ma na o mai lava na’o latou, ile vaai lalo, e aunoa mase leoleo a le teritori e faafeao maia.