O le fiafia ma le mitamita i le vaa la’upasese fou ua i laufanua ma taula ai ile Uafu i Matautu, Le Lady Samoa fa.
O foliga molimauina na o le afiafi ananafi, ile sauniga faapitoa e faapa’ia ma tauaao aloaia ane ai e le malo o Iapani ia Samoa le Sa, ina ua mafai ona faamaonia, i le malaga umi, mai Iapani i Samoa, lua vaiaso talu ai, le lelei atoatoa o le vaa ma saogalemu e fai lana tautua.
Ole Susuga i le Faafeagaiga ole EFKS Matautu tai, Rev Moli Moli na ia ave le upu faamalosia’u i le aufaigaluega, ia faatino galuega, ma folau ma le faatutua.
Na saunoa foi le Sui o le Malo o Iapani i Samoa, ile faapaaga ma le fesoasoani faaauau a lona malo, ae o le fauga ole vaa ia atoatoa ona lelei.
Ae o le afioga ile Minisita o Galuega , uafu ma malaevaaalele ma le pulega o le faalapototpooga vaa a Samoa, Olo Afoa Fiti Vaai, na saunoa i fuafuaga alualu mamao, ma atinae faaauau pei ona molimauina.
Faapena foi ona lagolago iai le saunoaga faamanuia a le afioga i le Palemia, Fiame Naomi Mataafa , ma ia ooti le lipine e avanoa ai le sa mo le mamalu o le atunuu na auai anapo e molimauina foliga ole vaa la’upasese.
O le a suia le Lady Naomi, i malaga i le va o Fagatogo ma Matautu.
