Na maualuga le faamalo na ave ile Tausala Samoa ma le Pasefika, Fonoifafo McFarland Seumanutafa. Na ia umia mai le pale ma le tofiga ma ona matafaioi , mo se taimi sili atu ona umi, e lua tausaga.
Peita’i o le po ole Aso Toona’i 10th Setema, i le uma ane ole tauvaga mose Tausala e sosoo atu, ma ia faaee atu ai le Pale ile Tausala mai Melbourne Ausetalia: Haylani Pearl Kuruppu.
O Haylani o le’a ia tauavea le tofiga mo le umi faatulagaina, masani ai lava e ta’i tasi tausaga, o ia foi o le’a fai ma sui o Samoa i le sailiga ose Tausala ole Pasefika.
O Haylani le tamaitai tauva sili ona matagofie lana Taleni ile vaai a Faamasino i lana Taleni na tauva ai, e le gata i lena , ae ole puletasi sa ia laeia ile po sa silisili atu foi lona matagofie, ma ia toe maua foi le Tausala sili sili ona ata lelei.
E ese mai le Tausala ua manumalo, lesi to’a fa pito i luga, e aofia ai:
Le Tausala a Niusila, Shilohm Vaeluaga Filipi, sa sili sili atu lana tali ile taligafesili, Best Interview.
O le Tausala a le Princess Mariana Publishing.
Ole Tausala Victoria i Ausetalia Olivia Grace Unasa Siaosi, e tolu faailoga silisili na ia maua, e aofia ai le : Vodafone People’s Choice, O le laei faapitoa Traditional Wear, ma le Best Sarong .
Ma le lona fa, o le Tausala lalelei a le SSAB, Gloryesther Fuimaono .
