Ole manumalo aoao i faailoga ole tauvaga ole Miss Samoa ile faaiuga ole vaiaso, le tama’ita’i o Litara Ieremia Allan mo le Miss Samoa 2024-2025, na molimauina ai lagona eseese ole aumaimoa, aemaise o luga o fesootaiga televave.
Peita’i, e leo le taimi muamua lea ua faalauaitele ai ile atunuu, le tauvaga ole Miss Samoa, ile faamasinoina lea o a latou puletasi, Sarong ma le tautala e faailoa lona tagata, ole vaega lena na molimauina i luma maota ole malo ile ogatotonu ole vaiaso ma solo a taavale teuteuina ile Aso Faraile.
Lea na tapena ele Anofale Production, o taitaifono ai Leituala Kuiniselani Toelupe Tago, ma tuu avanoa ai le vaega o taavale teuteu i fono faavae a itumalo i lenei tausaga.
1. Miss Samoa New South Wales, Epiphanyetaline Agalelei Vaomu’a Wright, Aana Alofi l , OLE OLA LEA O A TAEAO.
2. Miss Samoa Hawaii, Tanara Su’e Faamausili, Vaa o Fonoti, TUUFAATASI MO AVANOA TUTUSA.
3. Miss Falealili, Ingridvanie Fetoai, Falealili, E AU LE INAILAU A TAMA’ITA’I, E FAAVAE AI LE MANUIA OLE NU’U.
4. Miss Tausala Amerika, Anastasia Pagostar Maia’i, Sagaga 1, MITAMITAGA MO SE TAEAO FOU.
5. Miss JADS Samoa, Rayleen Simati, Faleata, E LE FAATAPULAAINA E LE AAFIAGA TUMAU, MALOSIAGA MA AGAVAA.
6. Miss Pacific Mix, Ida Siala Okesene, Vaimauga 1, MATUA E AMATA IA OE FAATAITAIGA LELEI.
7. Miss Liahona Cosultancy, Teuila Emmy Alofipo, Lepa, FAAOSOFIA GAIOIGA MO SE SAMOA MATALASI.
8. Miss Samoa Victoria Inc, Chantelle Tautunuafatasi, Faleata 4, AIGA SOIFUA MALOLOINA, SAMOA MALOLOINA.
9. Miss Pacific Climate Warriors, Brianna Marisa Romana Fruean, Lotofaga, AIGA SAOGALEMU SAMOA MANUIA.
10. Miss Impact Services, Litara Loma Leilani Ieremia Allan, Anoamaa 2, E LEAI SE MEA E UIGA IA I MATOU E AUNOA MA MATOU.
11. Miss Samoa Queensland, So’otuli Ausage Pepe, Vaimauga 3, TUPULAGA OLE FATU O SAMOA.
12. Miss Samoa USA, Josephina Faatupufilemu Lealaitafea, Falealili 2, E LE SAUĀ LE ALOFA.
13. Miss Hidden Threader, Lydia Moamanu, Anoamaa 1, PUIPUI LE FANAU, O I LATOU OLE FAAMOEMOE O TAEAO.
14. Miss Samoa NZ, Precious Miriama Tusega, Sagaga 3, PUIPUI LE SIOSIOMAGA MO A TATOU FANAU.
15. Miss Lavashe Couture, Alaimalo Joanna Vasa, Sagaga 4, FAATAUA LAASAGA MUAMUA OLE OLA.
Ile faaiuga ole tauvaga Miss Samoa, ma ao uma ai le tele o faailoga e le tama’ita’i ua manumalo, e aofia ai le Best Sarong, lea na faaali i luma maota ole fale ole malo, ole popo, ole siva Samoa, ole taleni, ole laei Samoa, ma le faatalanoaga poo le interview, ole ata lelei photogenic ma le Miss Internet.
O Litara, 25 tausaga, Miss Impact ole alo o David Allan ma Wanda Ieremia Allan, mai Sapapalii, Fusi Safotulafai, Saoluafata, Lalomanu, Matautu Falealii, Vaie’e, Sinamoga, Aferika i Saute ma Sikotilani.
Ole tama’ita’i tulua, o Miss Brianna Fruean, lona tolu, Miss Alaimalo Joanna Vasa, tulaga fa Miss Lydia Moamanu, ae tulaga lima ai tama’ita’i Miss Samoa Victoria, mo le toalima pito i luga ole tauvaga ole toa 15 sa tauva.
Peita’i o isi faailoga pei ole National Tourism Award na maua e le Miss Tausala Amerika, ae ole tamaliiaga tausaafia na maua e le Miss Hidden Threader, ma saunoa ai le tama’ita’i pule ole Hidden Threader, Alva Tulimalefasi, ole tausaga muamua ua ia lagolago ai se tauvaga, ae maeu lava le matagofie ma le lalelei uma lava o tama’ita’i sa tauva, ma ia faanauia ai ile nofoaiga a le tama’ita’i ua manumalo, mai ile pale ole 2024-2025. Miss Litara Ieremia Allan.
