19 Tesema 2024 Samoa: E ui ua momoli mai le faafetai a le pulega ole Matagaluega o Leoleo ile lautele o le atunuu, ile lagolago atu o le sailiga o le pagota na sola i tua. Peita’i e le’o faailoa maia pe na faapefea na oso lea alii i fafo ma le pa sima maualuga e taamilo ai le uaea talatala.
Ole utiuti o faamatalaga mai le Matagaluega, ile mafuaaga o le faaauau ai pea ona sosola i tua o pagota, ua avea ai foi ma popolega o tagata lautele.
Pei ona saunoa le tatou paaga e alala i Lefaga, ole latou nuu e le mamao ma le falepuipui i Tanumalala. Ae e popole lava latou pe’a tau atu se pagota ua sola tua.
O lesi pagota sola na ta’u lava le mafuaaga, ina ua taala i tua e o faigaluega togalaau, ae sola ai.
Ae ole pagota lea na sola i tua ile aso Sa 8 Tesema o Vaai Panapa, sa falepuipui ile gaoi, talepe fale ma isi solitulafono.
Sola I tua I le taeao o le Aso Sa 8 TEsema ae maua ile aso 10 Tesema.
E lei manuia le tatou taumafai atu i Komesina o le matagalueg o leoleo, ile mafuaaga o le sosola pea o pagota mai le toese.
Mai lava i le matagaluega o leoleo, ua amata ai nei ona tautatala se vaega o tagata na maua e leoleo ile latou osofaiga ma taofia ane i Faleata ile vaiaso talu ai, ma le amataga o le vaiaso nei.
E le’i talia telefoni ile taimi na tatou valaau ai i leoleo peita’i na ta’u e leoleo ile Talamua Media: E 10 tagata o loo taofia I lalo o le vaaiga a leoleo.
O ta’ua ai e leoleo ile lipoti ole osofaiga na fesoaosani ane ai le latou vaega, ma isi foi tagata na taofia ma tuli faasalaga moliaga tau fualaau faasaina.
O lesi oi latou na taofia, ua lauiloa lona igoa mai osofaiga a leoleo i taimi ua tuana’I, ma lesi na molia foi ae leai ni molimau e faamaonia ai.
Na tau foi e leoleo , o osofaiga ia e le mamao lava faleinisinia o loo aafia ai.
Ma ua faaauau lava sueseuga a leoleo , ina ua amata ai nei ona tautatala se vaegga oi latou ua maua ma molia.
