Ua toe maua foi e leoleo aisa ma marijuana o fualaau faasaina i le tatou atunuu, peita’i o Faatoia, lea foi na toe osofa’i e leoleo ile Aso Tofi 28 July, pei ona saunoa iai le Komesina o le Matagaluega o Leoleo ma Falepuipui, Auapaau Logoitino Filipo ile feiloaiga ma Tusitala i le afiafi o le Aso Faraile 29 Iulai
Saunoa foi Auapaa, o loo galulue faatasi ai ma ofisa o leoleo i nuu i tua, ile tau mata’ituina lava poo fea o loo faaui mai ai le aisa.
E oo mai nei , o loo faapunafanau lava le aisa i SAmoa, ae le’o mafai lava ona maua e leoleo pe latou te faamaonia pe ua gaosi le fualaau faasaina lea i Samoa.
Peita’i ole faatupula’ia o le solitulafono, ua saga mataituina ai nei tuaoi faavaomalo o masalomia ile faaulufalemaiga.
Ae o le alu iluga o le solitulafono ole aisa, o masalomia o nisi o oloa taugata o maua atu i fale o le au tulei aisa, e iai ni sootaga i nisi solitulafono.
