Ia faaitiitia le leiloloa o vaa fagota ma le maimau ai o penisi le o mamao e fagogota le isi auga aoga o pole fagota.
Pei ona maitauina ai le vaeao o le taeao nei le itula e 6 na tuuvaa atu ai nisi o le aufaigaluega o le ofisa o Faiga faiva mai le Matagaluega o Faatoaga ma Faigafaiva e tufatufa pe tatao pole fagota i ogasami lalata o le atunuu.
O nei pole fagota pei ona saunoa le Minisita o le Matagaluega o Faatoaga ma Faiga faiva le afioga ia Laaulialemalietoa Polataivao Fosi e fesoasoani atu ai i o tatou tagata faifaiva ina ia faafaigofie ai ona maua ma tele ni i’a mai o latou fagotaga.
“E o atu i tai o le ogasami o le Tuiatua e faapipii ai nisi o pole fagota aua le fagotaina e le paia ma le mamalu o le tatou Atunuu o ogasami lalata poo aloalo”
“O le faamoemoe lenei ua leva ona faasalalau atu ile paia male mamalu o le tatou atunuu, o galuega ina ia faaauaupea le siitia lelei, o le fagotaina e le aufaifaiva aemaise o tulaga uma o fagotaga i totonu o ogasami lalata e iai aloalo”
“O le faamoemoe o mea faigaluega nei ina ia mafai ona faatupuina tele ai pea ia ma figota e maua i totonu o ogasami o aloalo ma o polokalame nei o loo faasolo uma i totonu o nuu ma afioaga o le atunuu,”
Saunoa Laauli o ai lava ke aufafaiva o le atunuu ua fuafua mo fagotaga ua sauni le aufaigaluega e faapipii pole e fesoasoani ia tele figota ma ia e maua aua le fofoga taumafa o le atunuu.
O le aso ananafi na faapipii ma tatao ai foi pole ile motu tele i Salafai i ogasami lalata o Gataivai, Leulumoega ma Apia.
