Ua agai le Matagaluega o Faatoaga ma Faiga faiva a Samoa, e faapisinisi le limu fuafua ma limu a’au.
E ala ile Poloketi e tapu’e ma toto ai limu ua faaigoa ile “Suiga i faiga.
Ma galulue faatasi ai ma isi atunuu i le Pasefika pei o Fiti ma Kilipati, ile fesoasoani a le Faalapotopotoga mai I Kanata, le International Development Research Centre – Kanata.
O lenei polokalame sa amata i Upolu i le Aso Faraile, 29 Novema, a o Savai’i i le Aso Gafua, 2 Tesema, ma maua ai le avanoa e faasoa ai la tatou Matagaluega ma tautai o le limu mai le motu i Salafai aua o I latou tonu lea o loo galueaina le limu ma tuuina atu ile maketi i lo latou silafia ma le agavaa i lea foi atinae, ma unaia ai le fa’a-fa’atoagaina o limu ma le taula’i i nisi o suiga e aofia ai oloa ma taumafa e gaosi mai le limu o loo maua i Samoa ma unaia ai le itupa o Tina ma Tamaita’i o i latou e tele ina maketiina o le limu.
O Fiti lesi atunuu ua latou gaosi oloa mai limu o le sami e aofia ai lotion, faguuu, massage oils o taumafa fou (ice-cream, smoothies.
Ole Aso Lulu, 4 Tesema, sa fetufaa’i ma faasoa ai le Vaega o Faigafaiva ma le Iuvesite a le Sunshine Coast i fuafuaga ma faatinoga o le poloketi mo le 2025–2027 aua o i latou lava ia o loo galulue faatasi I lenei lava poloketi lea e maua mai ile gataifale o le tatou atunuu.
Faafetaia e le Vaega o faigafaiva, MAF, le International Development Research Centre – Kanata, faapea ai ma le Ta’ita’i ole Polokalame, Dr. Mélanie Robertson, mo lo latou sao taua ua mafai ona faatupe ai lenei poloketi aemaise o le University mai Ausetalia ole Sunshine Coast, mo le latou lagolago tau tomai ma agavaa mo le aufaigaluega a le Vaega o Faigafaiva, ina ia mafai ai lava ona faatino galuega e tautua ai Samoa ma ona tagata.
