Tulai I luma o le faamasinoga se alii o loo aumau I Otara i Aukilani ina ua faamaonia le maliu ai o se pepe ina ua ia toe fasia lava I ona lima ma maliu ai lava.
O ananafi lea sa tulai ai I luma lenei alii ina ua faamaonia ona moliaga o le fasioti tagata paivalea.
O lenei alii na toe ioe lava i leoleo o ia na toe faaooina le oti i lona lava afafine e ala lea I lona tapo, sasa ina o vae ma lima o lona lava afafine I lea aso ona o lona ita tele I le tagi atu soo o lona afafine ia te ia.
O lenei mataupu mataupu lea sa tulai mai I le aso 23 o Me o le tausaga ua mavae atu ina ua maitauina e le tina o lenei alualutoto suiga o vaaia I le tino o lenei pepe ma auvatu ai loa I le falemai I Watford Medical Center i Ōtara, Aukilani i Saute.
I le taimi na faamaonia ai ua maliu lenei pepe sa fesiligia ai e leoleo Niu Sila le mafuaga o le maliu o lenei autoto peitai na pelogia ma teena e lenei alii 26 tausaga le matua lona toe faia o nei gaioiga I lona lava afafine I lea lava po na maliu ai.
Ae ise faatalatalanoaga a leoleo ma le alii I le vaiaso mulimuli ane talu mai le vaiaso na maliu lona afafine ma na ia ioe ai loa ma faailoa le mea moni.
E le o mafai ona faailoa I tatou tala le igoa o lenei alii atoa ai ma ona matua, o le atunuu o le pasefika e sau ai ona ua talosaga loia o loo tulai mo lenei alii I Aukilani le faamasino e taofi le faasalalauina o lona igoa ona ua latou fefefe neʻi tuliesea i latou mai lo latou nuu laitiiti o le Pasefika ma ono susunuina ai lo latou fale pe a iloa e latou tuaoi ia ua faamaonia ona moliaga.
Sa tatau ona fa’ataga le suafa o le ua molia i le fa’asalaga, ae na faila e ana loia se talosaga fou mo le taofia o igoa tumau i minute mulimuli, e fa’atatau atoa i le ulua’i talosaga: o le fa’aauauina pea o le faigata tele mo ona matua i fafo. Na te’ena e le fa’amasino le talosaga ae na tu’uina atu i le itu tete’e se taimi e iloilo ai pe latou te toe apili. Ua latou filifili e le faia.
O le masina na te’a nei na poloaina ai e le afioga i le ali’i Fa’amasino ia Laura O’Gorman se fa’asalaga fa’anofovaavaaia mo lenei alii i le masina na te’a nei, fa’atasi ai ma lana fa’atonuga e le itiiti ifo i le 17 tausaga o le a nofosala ai o ia ona faatoa mafai lea ona ia talosaga mo le palola.
O le taimi lava na mae’a ai le fa’ai’uga o le fa’asalaga o le fa’amasinoga, na fa’atagaina e le Fa’amasino o O’Gorman se poloaiga fou e taofia ai e fa’avae i luga o se mataupu e le feso’ota’i: e puipuia ai le aia tatau a le ua molia i luma o le Fa’amasinoga Fa’aitumalo i Manukau, lea na ia fa’atali ai moliaga o sauaga i totonu o aiga. E tusa ai ma le moliaga mamafa o le fasioti tagata, peitai na filifili loia i le masina na tea nei e toe faaui i tua tuuaiga a le Faamasinoga Faaitumalo.
