Faasalalau e le fofoga fetalai Palota laiti a itumalo e tolu

SHARE NOW

Ua toe foi ai nei faipule e toatolu ole HRPP , e toe fai mai a latou palota laiti. Mo Faleata Fa, Ale Vena Ale,  Siumu ia Tuuu Anasii, ma le itumalo o  Vaa Fonoti, Mau’u Siaosi Pu’epu’emai, 

Ile uma ane ai o soalaupulega ma feutanaiga ile va o loia ma faipule a e o faamasino i le aso, ua malilie ai faipule o taua i luga e toe foi e fai mai a latou palota laiti 

Ole itumalo o Faleata fa, pe afai ae toe foi mai lona faipule ia Ale Vena Ale , ua faaopopo ai lesi faipule o le vaega faaupufai a le malo, le FAST. 

E le taumate ole manaoga lava lena na afua ai ona savali ese faipule ia mai le HRPP, ina ua afaina a latou aia tatau ile tulafono na faavae e le HRPP, o le a faasee uma lava ile FAST. 

Ae o taua e faipule o Siumu ma Vaa o Fonoti sei talia se tala a la itumalo.  

Peita’i ile tatou faatalanoaga ma le Ofisa Palota ina ua tatou fesiligia, ua talia ai e latou se poloaiga atu a le ofisa o le Fofoga Fetalai, o aga lava ma tu masani ai. 

Ae o Saunoa le afioga ile Fofoga o le maota, Papalii Li’o Taeu Masipa’u ina ua tatou fesiligia, ile taimi o lea faamoemoe ole palota laititi, : “E 10 aso e faasalalau ai amata au ile aso faasalalauga, ae o le Aso 29 ole masina nei, e ave ai le poloiaiga a le Fofoga Fetalai ile Ofisa o le Komesina o faigapalota e tapena ai palota laiti a itumalo.” 

Saunoa foi Papalii, ole fai o palota laiti a itumalo ia , o le faitalia lava lena a itumalo.