Ua lafo ai nei taula o le Vaa folau o Samoa le Gaualofa i gatai ane o le taelega i le peninsula i Mulinuu,talu mai ananafi.
O le auga ina ia faafaigofie ai ona maua le sootaga ma le fagaoneone ae o le taligalu i Mulinuu,ile taimi o le faamoemoe o le fono i le vaiaso a sau.
O saunoa ai a le AFioga a Leota Donna Fanaafi ole Peresetene o le Aiga Folau o Samoa,ole faamoemoe ina ia faia foi se sao o le Gaualofa ile taligamalo a Samoa.
Ma ia faafetaia ai alii ofisa mai le Matagaluega o Vaa a Samoa,i Matautu,o le ofisa o leoleo,FESA ma fanau talavou o loo galulue ai i luga o le vaa ile taimi nei,alii ma tamaitai tautai.
Ae o lana faafetai faapitoa lava ile tali mai a le tamaitai Kapeteni,ua tuu ai ona tiute ma galuega o galue ai i fafo,Captain Bruun,ae ave lana faamumua e faataua le manaoga o le Aiga Folau o Samoa,e tali atu ile taligamalo ale tatou atunuu.
O le vaa folau o le GAualofa,lea ua taula ai nei mo maimoaga i le peninsula i mulinuu lata ane i le taligalu talu mai anapo e oo atu ile maea ai ole fono tele i le vaiaso fou.
