Faasea le faifeau i taitai o aumalaga o galuega faavaitaimi a Ausetalia

SHARE NOW

Ua faailoa faalauaitele se fa‘anoanoaga o le susuga i le Faafeagaiga ia Rev Dr Freddy Sooalo, mai Asetalia,  i nisi o ta’ita’i o au malaga o galuega faavaitaimi, ma Pulega o nisi o nei kamupani, o loo tuuaia ese vaega o alo ma fanau i vaega o ta’ua i lalo

* faapologaina i totonu o apitaga o loo nofonofo ai, e fai feau, soo se faatonuga a nisi o ta’ita’i o nei apitaga,

* o nisi o faasea, e aofia ai le poloaia o nisi o fanau, e ‘aua nei vave tofafa, a ia auai i le inu ina o ava malosi, ma le faaogaina o fualaau faasaina

* o le soona lafo o upu maso-a, ma le le mafaufau e faatiga ma faafefe ai nisi o fanau

* o le faamata’u i le faia o ni ripoti sese, e ta’u leagaina ai le malosi ma le lelei o galuega o faia faatinoina e nisi o nei fanau, i luga o Pulega o Kamupani o loo galulue ai o Ausetalia, faafoea foi Pulega na mafua ai ona auto vaa atu i galuega faavaitaimi i Ausetalia.

* o faasea i le faamaumauina sese o le fua o galuega fastino i le aso (daily targets), e pei o le aofaiga o pusa na ta’uina, ma nisi, ae faoa ai numera o galuega na afu lelea ai nisi o le fanau, i le vevela o le la, pefu, ma le malulu o faatoaga, ae tusi i luga o le ta’ita’i, ina ina le laga e ta’u lelei la ai, ae ia maualuga ai sona totogi.

* o faasea i le faamalosia o le faia o ni saoga tupe, ma pe faiga o ni ripoti tau faaleaga, e faaleaogaina ai lo latou tautiga.

* o nisi e le tagofia le ava malosi poo fualaau faasaina i le olaga atoa, peitai, ua aveave leaga e nisi o ta’ita’i, pe a le faia faatonuga soli tulafono, ma le faavaea, e le o faatagaina i lalo o aiaiga o le Feagaiga (bi lateral agreement) i le va o malo e lua, na afua ai le fia fesoasoani mai o Ausetalia ma Niu Sila i le atinae o aiga, Ekalesia ma nuu i Samoa.

O nisi o fa‘anoanoaga ma faasea, ua faaoo i le susuga i le Faafeagaiga, e aofia ai le faatonu ina, o nisi o alo ma fanau ina:

* ia totogi ni tupe tetele i le o loo faatautaia se polokalama, ona faatoa tuu lea o le igoa i le lisi o i latou o le a malaga, e ese mai ai i nisi o saofaga tupe tetele, ma puaa (tulou) , fua o faaeleeleaga, etc, e le o gafatia e nai aiga ma Matua, ae ua onosai lava e fai, ona o le fia maua o le avanoa e malaga ai i Niu Sila ma Ausetalia.

* ua faailoa mai foi e nisi o Faafeagaiga ma nisi o sui o Ekalesia i Samoa, NZ ma Ausetalia, lea lava fa‘anoanoa tele, i le, leai ai o se fua faatatau faa le tulafono, taiala faa le tulafono e tatau ona lava aoaoaina ai alo ma fanau, ma latou ta’ita’i o au malaga, i le faatoa tuu ai lea o Samoa.

O le susuga i le Faafeagaiga ia Sooalo, o loo gafa ma le tele o faafitauli, ma taumafai ai ma le mamalu o le Ekalesia e soalaupuleina mataupu ua aafia i tulafono, ma mataupu e ono fesoasoani i ai Ekalesia i le vaaiga o le soifua maloloina lelei, ma le saogalemu o alo ma fanau a Samoa o loo atovaa atu i Ausetalia mo sailiga manuia.