E toa 20 ua faauu mai le aoaoga faale faatoaga mo tagata e agaga faatasi i le atinaeina o faatoaga o laau toto ma faapisinisi aemaise o toga koko.
O lesi laasaga o lea aoaoga o le a avatu i le USP Alafua, poo le Iunivesite ole Pasefika i mea tau faatoaga i Faleata.
Ole aoaoga muamua faapea lea na faatino i Savaii, i totonu o le 12 vaiaso ma lipotia mai le mae’a ma le manuia.
E le’o tele se lipoti o lena aoaoga ua faailoa mai vagana ai le pepa o faamatalaga mai le Ofisa ole Failautusi a le malo, o ta’u mai ai le mae’a manuia, ole aoaoga muamua, o le vaega lona lua o lea polokalame ole a faailoa faalauatele ile mea’a tapena ai e faatino i le USP Alafua ile tausaga fou.
O le aoga lea ua faauu ai le tusa o le 20 na auai, ua o gatausa ma le taumafaiga a le malo, ia atinae le vaega talavou mo le faatumauina o faamanuiaga nei tau faatoaga i nuu ma le atunuu. Ma ia saogalemu taumafa, ia lava, ma faatupula’ia ia avea o se alaga ‘oa ole tamaoaiga.
Pei ona fesoasoani mai ai le Matagaluega o le Va i fafo ma Fefaatauaiga a le malo o NIusila, Ma latou faatupea le Poloketi lea o le “ “Improved Livelihoods through increased protection of the Premium Cocoa Value Chain” Ia sosoo le fau ma le fau, poo faaauau ona toto pea le koko aemaise o i le au fai faatoaga talavou o Samoa, ma ia tumau ai pea le maua o lea faamanuiaga i Samoa.
O le auga atoa lava o le poloketi lea , na amata mai le taimi o le Koviti 2020, Ia siitia ai le faamanuiaga maua, aputiputi iai, aemaise lava i le faatoagaina o le koko.
