Ua toe o ese aloaia ai nei matai e to’alua na faatauto o la tofiga Faamasino o le Faamasinoga o Fanua ma Suafa.
I tala mai totonu o le Matagaluega o Faamasinoga, i paaga e le’o mana’o e faailoa suafa: ole aoauli o le Aso Faraile 22 Aperila lea na faia ai le faamavaega a le Susuga a Faimalomatumua Mathew Lemisio ma Taueva Lelevaga Mupo ile Faamasinoga o Fanua ma Suafa.
O Faimaloma tumua na faatauto i le tofiga o le Sui Peresetene ma le Faamasino, Susuga Taueva.
Peita’i ole faaiuga a le Faamasinoga Maualuga na agiga ai le le aloaia o tofiga.
O le masina o Tesema o le tausaga talu ai na faatauto ai nei foi tamalii e le Perestene o le Faamasinoga o Fanua ma Suafa, Fepuleai Atila Ropati.
E ui ise tuualalo a le Minisita, Matamua Vasati Pulufana, e faataatia le faatautoga, ona e solitulafono, pei ona fautua atu le Loia Sili, Su’a Hellene Wallwork.
Na tatou fesiligia le afioga i le Minisita i sona finagalo faaalia i le faamavaega na faia, peita’i e leai sana saunoaga aloaia na tuuina mai, talu ai “e lei aloaia o la tofiga faamasino.”
