Faasoa atu le tomai o le tina ia Asomaliu i isi tina

SHARE NOW

E 36 tausaga o le tina mai toamua lea ua molimauina le lolofi ai o nisi o tina mai atunuu i fafo ae o Samoa nei mo le aoaoina mai o nisi o tomai ile lalagaina o mea taulima, faia o elei, sui ina o laei, gaosia o sei, ma le mamanuina o soo se mea taulima Samoa.

I se pepa o fa’amatalga mai le Toomaga o le tina ia Asomaliu e toafa lana fanau teine, o se tina e lei mafai ona faigaluega sa faamoemoe ile galuega a le tama o le aiga i mea manaomia e le aiga.

Peitai i le tausaga e 2018 na auai Asomaliu ile Toomaga ma amata aoaoina mai ai nisi o atinae pei ona taua.

Taua e le tina ia Asomaliu ina ua ia iloa gaosi nei mea uma, sa lei toe fa’alagolago i lona toalua ise tupe, sa galue foi ia ma fesaosaoni ile tausiga o le la aiga.

Ma ia tuuina ai i luga o le upega tafailagi ata o sei, elei, mea taulima, ma soo se atinae oloo ia galue ai ma maitauina ai le toatele o tagata faatau ae o oka a tagata mai fafo, ma o le alagatupe sili lea ua maua e lona aiga.

O le molimau a le tina o le finau ma le talitonuga na te mafaia ua afua ai ona aeae lona aiga.