Ua tutu faatasi mai le pulega ole Magaluega o leoleo, i lana Komesina, Auapaau Logoitino Filipo, ae o ana komesina lagolago, Leiataua Samuelu Afamasaga, Lafaitele Herbert Aati, Papali’i Efo Moalele, e faaulufale aloaia le asiasiga a le Komesina le tumau a Fiti, Juki Fong Chew, i Samoa i le vaiaso nei.
O le taimi muamua lea ua asia ai Samoa e lea foi tamalii mai Fiti.
Ua momoli atu iai e le pulega o le Matagaluega o leoleo a Samoa le faafetai, ile talia mai o le valaaulia, e malaga mai i Samoa.
Faatasi ai ma le faafetai ia Fiti, ile aumaia lea o leoleo popoto faapitoa tietie pasika, e fesoasoani mai ile aoaoga tietie pasika a leoleo i Samoa.
Na maualuga foi le faafetai a le Susuga Auapaau, ile Acting Komesina a Fiti, ona ole aumaia lea o le latou foma’i faapitoa e faia suesuega o maliu lilo, e fesoasoani i mataupu a leoleo, i ana maliu ile falemaliu i Motootua.
Na afea foi ise faatalanoaga le aloaia, le mana’omia ai e leoleo a Samoa ose fesoaosani a leoleo mai Fiti, ile taimi o le fonotele a Malo ole Taupulega, 2024.
Ole agaga faafetaia foi na agia mai ile komesina asiasi mai, Juki Fong Chew, i le avanoa ua oo mai ai i Samoa mo le taimi muamua.
