Ua amata mea ai le aoga tulaga lua a St Mary’s i Savalalo i lenei tausaga aoga, i galuega tetee atu i sauaga faasaga i fanau. O le manaoga ia galulue faatasi atu ai ma isi foi aoga tulagalua.
Molimauina le finau mai ai ole tamaitai aoga St Mary, 10 tausaga ia Jackie Tevaga e faalauiloa lona tetee i sauaga i totonu o aoga ma aiga.
O le vaiaso lenei ua tatau ai fu’a i aupa o le aoga St Mary’s Savalalo, e augani atu ai i aiga uma o Samoa ia taofi ia le sauaina o fanau ma tamaitai.
O le sao foi lea o tupulaga talavou i nuu i tua ma le atunuu atoa pei ona saunoa le Peresetene o le toomaga Siliniu Lina Chang talosia ia fai ma faataitaiga i fanau, ia amata atu ai a’o laiti ma faasolo ina talavou ma fai aiga, ona aoaoina ile tetee atu i sauaga faasaga i tina ma fanau, o se vaega lea o le galuega fai faatasi ma le malo o Samoa.
Ua tuuina atu e le tupe faasoasoa a le malo mo le taimi muamua se tupe, afa miliona tala, ile Toomaga mo e puapuagatia. O le faalapotopotoga lea o loo taulamua i auala eseese e taofia ai sauaga i aiga. Lea ua oo mai i faapaaga ma aoga, ma le faamoemoe e a’oa’oina ai fanau mai o laiti, ile mata’utia o aafiaga o soifua ona o sauaga.
