O le aoga matata eseese i DON BOSCO o loo i Alafua, ua taimua i faasologa o aoga taitasi, ua mafai ona o’o atu ai a’oaoga ale Faalapotopotoga a le Toomaga mo e Puapuagatia, i polokalame lea sa taulamua e pei ona faasoloina i afioaga taitasi.
O se avanoa taua ma ua mafai ona fesoasoani ai le polokalame e toe faamanatu, faamalamalama ma tapu’e o latou mafaufau ile faatauaina o lona olaga talavou ina ia mafai ona alo ese mai sauaga o loo tutupu ma ua tutupu foi I lenei olaga, aemaise lava i faafitauli i va o aoga taitasi
E le gata i lea, ae ua mafai foi ona auai ai foi ali’i ma tamaitai faiaoga i lenei faamoemoe aua o i latou o matua o fanau i faleaoga a’o feagai ai male faafaileleina ole poto salalau o alo ma fanau o le laumua
Ma ole vaiaso fou lea ua faamoemoe ai mo le isi vaega2 o aoaoga, ma o le vaiaso lona 3 lea ua iai le faamoemoega e faamae’aina ai lenei faamoemoe.
