Ua te’a ane i tua ma le potu tigaina, ma faasee ane ile potu fitu, le tama avetaavale ia Afa Li’o, 49, o Faleula, ma ia faafetaia ai le fesoasoani mai tagata taaalo i Tuanaimato, ile lavea’iina o ia ma avatu i le falema’i.
Na faamatala e le tama ia Afa, ile sui o le SETV Niusila, o ia e le toe alu e fealua’i ise taxi.
Talu le osofaiga o ia ese tama talavou, na ia feavea’ia ae mulimuli ane, faaoolima le pasese, faaaoga ai se a’upega maai, ma ta’oto ai ile falema’i.
Na maua le alii talavou, ma le tupe e silia ile $200tala na ia aveesea mai le taavale.
Na logo leoleo. ae matapogia le ave taxi ma faataalise atu e Samalia agalelei ile falema’i mo togafitiga.
Na ta’u e le tama ia Afa, pe ‘a manuia, o le ‘a su’e se isi galuega e tausi ai lona aiga, ae le toe ave taxi.
