E silia I le 400 tagata faigaluega faavaitaimi I Napier Niusila, mai le Pasefika e ono toe foi atu i a latou galuega ma fale e api tumau ai ise taimi lata mai.
O le vaega lea na la’u ese mai nofoaga na aafia I lologa, ole afa o Gabriel ma avatu ile maota o le Ekalesia i Napier.
E aofia ai aufaigaluega faavaitaimi atu Fiti, Tuvalu, Samoa ma Solomona. Na talimalo ai le Aulotu Faapotopotoga a le Atua I Napier, AOG.
O le toatele lava o tagata na tali e le AOG o le au faigaluega faavaitaimi.
E aofia ai ma Taylor Crichton mai Samoa, na taunuu atu i le aso Tofi, faatasi ai ma le toa 46 isi sa nonofo ai I le Taylor Corporation accommodation I Puketapu. Na taufetuli uma i luga o le mauga ile taeao o le Aso Lua, ina ua loloto atu tafega ma lologa.
Na faamatala e Taylor, ole lima ile taeao na feala ai ae ua tafe atu vai I lalo o latou moega, ma uu loa lava mea e mafai ona ave ma tamomoe i nofoaga maualuluga.
47 lea o latou na tamomoe I luga o le mauga na la’ula’u tai lima ile Malaga a le helicopta. Ae na maui loa le vai ma toe foi ane e vaai a latou meatotino.
Ma sa nonofo mai ai lava ile maota o le aulotu talu ma faatoa maua ai se fesootaiga ma latou aiga, i Samoa talu mai le Aso Tofi.
O le tala muamua lava a le latou aiga, O fea na e iai, sa faapea ua maliliu. Na talanoa ai foi le Volunteer a le AOG Samoa, Fuimaono Nathan PUlega, “ole tele o tagata na o atu i Samoa, Fiti, Vanuatu ma Solomona, na iloga ona aafia i le faalavelave na tupu.
Tele sa poloka i luga o tumutumu o fale, na sao ese mai, o isi e lua lava aso o poloka leai ni meaai, poo le susu foi. O isi ua na matua aafia lava o latou mafaufau, ae pau le mean a fai, o le taimi lava na avatu ai e loli a fitafita, poo vans foi, o o atu iai, e fusi ma fetagisi faatasi ma latou.
Ua oo atu foi alofa o taumafa, e kamupani a le aufaigaluega e aofia ai le T &G ma le Mr Apple, ma isi mealofa atu i fafo.
Na oo atu foi le Penina Trust atu i Aukilani ole taavale uta o taumafa ma telefoni.
Na talanoa ai Catherine Ioana o le Volunteer, o sapalai o taumafa ua maua ai se to’a, o pisupo , macaroni ma talo.
Ma o le tele lava o tagata faigaluega, ua amata ona toe foi i latou nofoaga tumau, ua uma ona faamama , poo api tumau foi mo latou.
