Faasolo lava aoaoga toe faamanatu a tausi soifua

SHARE NOW

E fa vaiaso sa faatino ai se mafutaga faaleaoaoga o se vaega o alii ma tamaitai fomai o le Matagaluega o le Soifua Maloloina, o ia aoaoga e mo le siitia ma le faalauteleina o tomai ma le iloa i le galuega.

Ae o le faaaogaina o mea faigaluega o loo faatino ai galuega faafomai, e aofia ai ma le aoaoina o le auaunaga lautele mo le tali atu i manaoga o le atunuu pea manaomia le fesoasoani i se taimi vave.

O le isi vaega na lilifa ai aoaoga a fomai, o le faataua lea o le vatapuia o le gasegase ma le tausi soifua, ia iloa e le tausi soifua lona tulaga faafomai pe iai se tulaga e le fiafia ai i le gasegase.

E matuai taua tele lea aoaoga i alii ma tamaitai fomai sa auai i lea faatasiga, e le gata ua faalauaitele ai le silafia ma le iloa ae ua mafai ai foi ona aoaoina mai ai nisi tomai, ao le iloa fou e lei mafai ona aoaoina ma iloa muamua.