Ua le toe sao se pusa oloa o figota e fagotaina faasolitulafono ma taumafai e faatau atu i fafo, ma maketi i totonu lava o Samoa.
Pei ona tatou molimauina ile lata ile tolu tausaga talu ai i gauta o Toamua, se ulugalii, sa toe maua atu foi lo la faaauau ai pea ona faaputu le figota, ma le faamoemoe e faatau atu.
Peita’i ole vaiaso talu ai na valaau ai le mataupu a se alii Asia ile faamasinoga e sootaga ile taumafai e ave i fafo se pusa oloa o figota pei o fugafuga.
O lesi lea tupe vave sa fai e aiga lima vaivai i tausaga e fia ua tuana’i, o le tufi mai paelo mama’o, fugafuga, maisu ma faatau atu i le au Asia , ile vai aai lava lea o Vaitele uta.
Ae ole ulugalii lea ole tina ole tamaitai Samoa, ae o lona alii o le saina, Sa faagaioi mai le la pisinisi lea i Vaitele uta, i totonu ose tama’i fanua kuata eka, fai ta’nafi tetele i tua o pupuvao, e togavaoa le fasi fanua sa faatino ai le faiga o le oloa faatau,
O le ogatotonu o le tausaga e 2021, na tumutumu ai taavale a leoleo ma Ofisa sinia o matagaluega a le malo, e sootaga i faigafaiva faasolitulafono ma aafiaga ole Siosiomaga, autafa o le fanua sa faatino ai le sakaina ole fugafuga a le ulugalii, o ta’ua i luga.
Sa tatou molimauina, ai i lena taeao, le lagolagoia, manogi faaletonu, ae saati lava figota pei o fugafuga i ituaiga esese i luga ole palapala, pe faitau selau ma selau figota ua fola , faasolo atu i Ulo tetele o loo saka ai.
Ile molimau a leoleo i lena tausaga, e le’o le taimi muamua lea ua molia atu ai lea alii Saina i lona faatau faasolitufono mai o fugafuga.
Sa o tatou molimauina foi , o galuega lava ia ase vaega ole au kamuta a Saina sa faia le fale faamasino i Mulinuu, io latou taimi paganoa, ole o fagota mai maisu, faamamago , i luga o apa o fale sa fau i gauta o le fale faamasino e faamautu iai, a mamago ua fulisa auaua’i mo a latou meaai.
Peita’i o le mataupu oi luma ole faamasinoga e silia ile miliona tala le tupe e ono maua mai figota sa taumafai le ua molia e faatau atu i fafo.
I le lpoti mai le faamasinoga ua talosaga leoleo e ave ni faasalaga tupe silia i le $100afe tala i le o molia.
Ma e o talia ai se taunuuga o le faaiuga a le faamasinoga i lena mataupu.
