20 Tesema 2024 Press Release Samoa: O le vaiaso na tea nei na amata maua mai ai fesootaiga ma aiga o tuaa ua manuia a latou talosaga mo le sitiseni Niu Sila i lalo o le tulafono fou le Citizenship (Western Samoa) Act 1982 sa finauina e la alii faipule ia MP Teanau Tuiono.
O se tala fiafia lea mai le sooupu a le komiti o taitai Pasefika I Aotearoa, afioga a Teleiai Edwin Puini, ma ia taua ai le vave ona maua pe a faátusatusa atu i talosaga masani o sitiseni Niu Sila.
O se isi vaega taua ona e le mo’omia le agai o nai tuaa i ofisa o Niu Sila e faátali ai o latou sitiseni.
Peitai o lea ua lafo sao atu lava i le pusa meli o latou sitiseni.
O loo iai le faáafe a le taitai o le ACT Party i le Aso Faraile nei 20 Tesema ma o loo valaaulia ai tuua Samoa ua faámanuiaina i le sitiseni Niu Sila.
O le ACT Party o le vaega faáupufai lea ma le New Zealand First na maua pasia ai le pili taufaáofia a MP Teanau Tuiono i le tolaulauga muamua.
Faámolemole e faáiloa mai pe a ua faámanuiaina le talosaga a lou tuaa mo lenei avanoa e feiloai ai i taitai o le Malo o Niu Sila sa tulai mai mo Samoa.
- O loo faápii atu ata o le afioga ia Masoe Tauli Iosefa o Asau. Soifua aso 20 Tesema 1946, Sitiseni NZ aso 12 Tesema 2024 faápea le tofa ia Tuimaualuga Faátali Iosefa o Gataivai. Soifua aso 20 Iulai 1948, Sitiseni NZ aso 12 Tesema 2024. Sa faápea ona asia e Auckland City Councillor Daniel Newman ia Masoe ma Tuimauga i lo latou aiga i Manurewa
- O loo faápipii atu le tala o le pitolaáu sa feagai ma le Mafutaga Soofaátasi Faifeau Samoa i Aukilani, le Fono Faufautua a Samoa i Aukilani ma le Taeao o Faiva (itupa Samoa o le Pacific Leadership Forum i Niu Sila) e lagolago ai le susuga i le faipule ia MP Teanau Tuiono
- O loo faápipii atu foi le pepa mo talosaga o le sitiseni Niu Sila, ma le pepa o le taiala mo e e agavaá. faámatalaga uma mo talosaga o le sitiseni Niu Sila o loo maua i le upegatafailagi a le Department of Internal Affair
