O le aso lulu o le vaiaso nei lea ua faatulaga mai e le pule o maliu lilo poo le faamasino o Faamasinoga faaitumalo le afioga ia Alalatoa Rosela Papalii.
E faaauau ai le tolaulauina lea o mau o le maliu o se tasi o alii pagota ia Kolani Junior Lam, o ia molimau e aofia ai alii ma tamaitai leoleo, o pagota ma le Komesina o le falepuipui le afioga ia Afamasaga Leiataua.
O i latou uma nei o lea molimau e sootaga i le maliu o le o loo taua i luga, aua o loo masalomia o Kolani na pule i lona ola sei tulou. Peitai molimau se tasi o pagota i totonu o le potu o Faamasinoga faaitumalo, i le taeao lea na tulai mai ai le faaletonu e toa 10 ia te ia pagota na agai e faatino galuega.
Ina ua maea ona tuuina atu e le ofisa ni agaese ma vailaau fagavao mo le faia lea o galuega e aunoa ma se tasi o le ofisa na vaaia i latou.
O le mataupu lea na tulai mai i totonu o le falepuipui ao tuli ai faasalaga soloatoa o Kolani i le solitulafono o le fasioti tagata faamoemoeina ile maliu ai o lona toalua. E faaauau ai i le aso lulu o le vaiaso nei molimau mai le itu a leoleo.
