O loo auaua’i mai lava aoaoga faapitoa a le Matagaluega o leoleo a Samoa.
E auga uma lava i tapenaga ole fono tele lona 27 a Malo ole Taupulega, lea e faia mai i Samoa ile aso 24 o Oketopa 2024.
Ole vaiaso nei , ua faailoa mai e le matagaleuga , e toa 21 leoleo , ua tofia e ile vaega muamua o le aoa’oga, tau i le puipuiga o le tagata. Close Personal Protections CPP.
Ole aoaoga o loo faia lava i le potu mo aoaoga a leoleo i Matautu tai, mo le lua vaiaso, ma taitaia e Sergeant Junior Afereti, ma lana vaega.
O ananafi foi na amatalia ai le Poloakalame a leoleo , Defensive Driving Training mo le lua vaiaso.
E toa 10 leoleo o loo totofi e aoaoina i lea foi tomai, ia avea oni faiaoga faamaonia , ile aoaoina ole ave taavale.
Ole vaiaso talu ai na faamae’a ai lesi foi aoaoga na faia, mo leoleo i silafia e latou te iloa gofie ai mea faapapa matautia, pei oni pomu.
Sa fesoasoani mai ai leoleo faapitoa a le malo o Ausetalia, ma aoa’oina ai le silia i le 40.
