Ua faasolosolo mai lava faamanuiaga o tagata e ana le malo o Samoa, pei ona ulua’i folafola e le afioga ile Palemia , Fiame Naomi Mataafa, a’o tapena mai lana nofoaiga ua savalia ai nei le tolu tausaga.
O lesi faamanuiaga lea ua faailoa mai e lona Minisita o le Matagaluega o Tina ma Tamaitai, i le ofisa faasalalau a le malo, le Savali, ile tapena ai ose talosaga e avatu i le Kapeneta mo le feoai fua i vaa ole malo, ma maua fua talavai a tagatanuu Samoa e iai aafiaga tumau ole soifua.
Na amata mai faamanuiaga o le vaega lena ile latou tupe , e $100 ile masina.
E ese mai tupe maua ile masina pe’a ausia le 65 tausaga le matua.
Peita’i o saunoa Mulipola ile ofisa faasalalau a le malo, “e i ai aiaiga ma ta’iala o lo’o fa’atulaga e le Mālō, ina ia ‘aua ne’i fa’aāoga fa’alētatau e nisi, lea fa’amanuiaga tāua.
O Samoa lesi atunuu ua latou saini i feagaiga faavaomalo, e aloaia ma amanaia ai i latou e i ai a’afiaga tumau o le soifua.
